Rrëmbim personi dhe drogë/ 4 emrat që duhet të përgjigjen tek OFL

12:42 | 9 Shtator 2020
Arbresh.info

OFL i ka nisur kërkesat me shkrim për vetëdeklarimin e burimeve të pasurisë katër personave të tjerë banues në Tepelene dhe Gjirokastër, të dënuar për rrëmbim personi dhe trafik narkotikësh.

Më konkretisht shtetasit e vënë në shenjester të operacionit Forca e Ligjit janë:

-Artur Vela, banues në Tepelenë, i dënuar për veprën penale “Rrëmbimi i personit”, kryer në bashkëpunim;

-Leonard Koci., banues në Gjirokastër, nën hetim për veprën penale “Prodhimi dhe shitja e narkotikëve”;

-Bejeko Toto, banues në Gjirokastër, nën hetim për veprën penale “Kultivimi i bimëve narkotike”;

-Idris Selimi, banues në Gjirokastër, i dënuar për veprën penale “Kultivimi i bimëve narkotike”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.